• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارتی جارحیت کیخلاف قوم متحد اور پرعزم ہے ، جہانگیر شاہ،زبیر احمد

میرا شہر
کوئٹہ
12 مئی ، 2025
کوئٹہ(اسٹاف رپورٹر)پاک فوج کے بھارت کے خلاف آپریشن بنیان المرصوص کی کامیابی پر گورنر بلوچستان جعفر مندوخیل کی ہدایت پر سیاسی و قبائلی رہنما سید جہانگیر شاہ اور میر زبیر احمد کی قیادت میں اتوار کو جی او آر کالونی سے ریلی نکالی گئی جو ائیر پورٹ روڈ سے ہوتی ہوئی بی اے مال کے سامنے جلسے کی شکل اختیار کرگئی ، اس موقع پر ریلی کی شرکاء نے قومی پرچم اور بینرز اٹھا رکھے تھے اور پاک فوج کی حمایت میں نعرئے بازی کررہے تھے ۔ ریلی کے شرکا سے سید جہانگیر شاہ اور زبیر احمد نے خطاب کرتے ہوئے کہا کہ پاک فوج نے قوم کا سرفخر سے بلند کردیا ۔انہوں نے کہا کہ پاکستان ہمارا وطن ہے جسے ہمارے آباؤ اجداد نے بڑی قربانیوں کے بعد حاصل کیا اپنے ملک کی حفاظت اپنے خون کے آخری قطرے تک کریں گے ۔ انہوں نے کہا کہ پاک فوج نے موثر انداز میں بھارتی جارحیت کو نہ صرف روکا بلکہ اسکے 5 جنگی طیارے اور 70 کے قریب اسرائیلی ساختہ ڈراؤن مار گرائے ۔ انہوں نے کہا کہ بھارت نے جارحیت کرتے ہوئے پاکستان کی سویلین آبادی کو نشانہ بنایا جس کے نتیجے میں بے گناہ معصوم شہری ، بچے اور خواتین شہید اور زخمی ہوئے جس کے جواب میں پاک فوج نے بھارت میں حساس تنصیبات اور فوجی چوکیوں کو نشانہ بناتے ہوئے بھارت کو بھاری جانی اور مالی نقصان پہنچایا جس پر پاک فوج کو خراج تحسین پیش کرتے ہیں ۔ انہوں نے کہا کہ بھارتی جارحیت کے خلاف پوری قوم متحد اور پرعزم ہے ۔
کوئٹہ سے مزید