• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

SECP نے تمام کمپنیوں کیلئے سائبر سیکورٹی ایڈوائزری جاری کردی

آج کا اخبار
اہم خبریں
17 مئی ، 2025
اسلام آباد (اے پی پی) ایس ای سی پی کی تمام کمپنیوں کیلئے سائبر سکیورٹی ایڈوائزری جاری کردی ہے، جس میں کہا گیا ہے کہ کمپنیاں اچھے حفاظتی طریقوں پر عمل کریں ورنہ ان کا کام متاثر اور ڈیٹا ضائع ہو سکتا ہے۔ سکیورٹیز اینڈ ایکسچینج کمیشن آف پاکستان نے حالیہ جیو پولیٹیکل صورتحال اور اسکے نتیجے میں سائبر سیکورٹی کے بڑھتے ہوئے خطرات کے پیشِ نظر تمام کمپنیوں کیلئے ایک ایڈوائزری جاری کی ہے جس میں کمپنیوں پر زور دیا گیا ہے کہ وہ سائبر سیکورٹی کے بہترین طریقہ کار اختیار کریں۔ ایس ای سی پی سے جاری پریس ریلیز کے مطابق ایڈوائزری میں خبردار کیا گیا ہے کہ اگر کمپنیاں ان اچھے حفاظتی طریقوں پر عمل نہ کریں تو اس سے ان کا کام متاثر ہو سکتا ہے، ڈیٹا ضائع ہو سکتا ہے اور ان کی ساکھ کو نقصان پہنچ سکتا ہے۔ ایڈوائزری میں کچھ اہم اقدامات کی مزید تجاویز دی گئی ہیں جن میں رسائی پر سخت کنٹرول رکھنا، نیٹ ورک کی کمزوریاں کم کرنا، سکیورٹی حملوں سے نمٹنے کی تیاری کرنا اور صارفین میں آگاہی پیدا کرنا، شامل ہے۔ایس ای سی پی نے پاکستان کے مالیاتی اور معلوماتی ڈھانچے کے تحفظ کیلئے اپنے عزم کا اعادہ کیاہے اور کمپنیوں پر زور دیاہے کہ وہ اپنے ڈیٹا اور نیٹ ورک کی سالمیت کے تحفظ کے لئے فوری اقدامات کریں۔
اہم خبریں سے مزید