اسلام آباد(طاہر خلیل) وفاقی وزیرداخلہ محسن نقوی سے امریکا کی قائم مقام سفیر نیٹلی بیکر نے ملاقات کی جس میں باہمی دلچسپی کے امور، پاک امریکا تعلقات اور دوطرفہ تعاون بڑھانے پر تبادلہ خیال کیا گیا۔ ملاقات میں پاک بھارت جنگ بندی کے بعد کی صورتحال پر بھی بات چیت کی گئی۔ وزیرداخلہ نے کہا کہ امریکی صدر نے خطے کو ہولناک تباہی سے بچا کر انسانیت کی خدمت کی ، جنگ بندی میں کلیدی کردار پر امریکی صدر ڈونلڈ ٹرمپ اور امریکی سفیر کا شکریہ ادا کیا، انہوں نے کہا کہ دو ایٹمی طاقتوں کے درمیان سیز فائر کا کریڈٹ امریکی صدر ڈونلڈ ٹرمپ کو جاتا ہے،پاکستان کی قیادت کے بارے میں امریکی صدر کے مثبت خیالات کا خیر مقدم کرتے ہیں، امریکا کے ساتھ باہمی تعاون کو مزید فروغ دینا چاہتے ہیں۔ قائم مقام امریکی سفیر نے کہا کہ پاکستان کے ساتھ بہترین تعلقات ہیں، امریکا مختلف شعبوں میں پاکستان کے ساتھ تعاون جاری رکھے گا، وفاقی سیکرٹری داخلہ خرم آغا بھی اس موقع پر موجود تھے۔
فرمان الہی
نماز کے اوقات
