فرمان الہی
نماز کے اوقات
کراچی (ٹی وی رپورٹ) جیو کے پروگرام ’’آج شاہزیب خانزادہ کے ساتھ‘‘ میں سینئر صحافی اور تجزیہ کار حامد میر نے کہا کہ بھارتی حکومت پر بہت زیادہ دباؤ بڑھ رہا ہے اور مودی کوئی بھی ایڈونچر کرسکتے ہیں مودی اپنی ٹریجڈی کو ساؤتھ ایشیا کی گریٹ ٹریجڈی میں تبدیل کرسکتے ہیں اس لیے ہمیں ہوشیار رہنا چاہیے، میزبان شاہزیب خانزدہ نے تجزیہ پیش کرتے ہوئے کہا کہ امریکی صدر ٹرمپ کا غیر معمولی دورہ مشرق وسطیٰ شام پر عائد پابندیاں ہٹانے کا اعلان اسرائیل ناخوش ہے۔میزبان شاہزیب خانزدہ نےکہا کہ بھارت ، چین، ترکی اور آزربائیجان پر سوال اٹھا رہا ہے اور ترکی اور آذربائیجان کے بائیکاٹ کا اعلان کر رہا ہے اور اس سب کے درمیان جب یہ خبر آئی کہ امریکہ نے ترکیہ کو تین سو ملین ڈالرز کے میزائل فراہم کرنے کی منظوری دے دی ہے تو بھارتی میڈیا اور بی جے پی رہنماؤں کو آگ لگ گئی۔ کانگریس نے مودی کو یاد دلایا کہ ٹرمپ کو اپنا دوست کہتے تھے۔ بھارتی میڈیا پر غداری کے فتویٰ اس بات پر بانٹے جارہے ہیں کہ بھارت میں کون آخری دفعہ چھٹیاں منانے ترکیہ گیا تھا کس سیاسی جماعت کا دفتر ترکی میں ہے کس بالی وڈ اداکار نے ترکیہ میں فلم بنائی اور وہ کیوں صدر اردوان سے ملا۔
