• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دنیا بھر میں 1.13 ارب سے زائد افراد ہائی بلڈپریشر کا شکار ہیں، عالمی ادارہ صحت

میرا شہر
کوئٹہ
19 مئی ، 2025
کوئٹہ (اسٹاف رپورٹر)پاکستان سمیت دنیا بھرمیں گذشتہ روزہائی بلڈ پریشر کا عالمی دن منایا گیا۔اس سال کا موضوع اپنا بلڈ پریشر درست طریقے سے ناپیں، اسے قابو میں رکھیں، اور لمبی زندگی گزاریں تھا۔ہائی بلڈ پریشر کے عالمی دن کا مقصد ہائی بلڈ پریشر کی بروقت تشخیص اور کنٹرول کی اہمیت کو اجاگر کرنا ہے۔ہائی بلڈ پریشر کو اکثر خاموش قاتل کہا جاتا ہے کیونکہ یہ بغیر کسی واضح علامات کے دل، دماغ، گردوں اور دیگر اعضا کو نقصان پہنچا سکتا ہے۔ عالمی ادارہ صحت کے مطابق، دنیا بھر میں 1.13 ارب سے زائد افراد ہائی بلڈ پریشر کا شکار ہیں، جن میں سے بہت سے افراد اس سے لاعلم ہیں ۔پاکستان میں ہائی بلڈ پریشر ایک سنگین مسئلہ ہے، جہاں لاکھوں افراد اس بیماری کا شکار ہیں۔ ماہرین صحت کے مطابق، نوجوانوں میں بھی ہائی بلڈ پریشر کے کیسز میں اضافہ دیکھا جا رہا ہے، جو کہ طرزِ زندگی میں تبدیلیوں، ذہنی دباؤ اور غیر صحت بخش خوراک کا نتیجہ ہے ۔بلڈ پریشر کو قابو میں رکھنے کیلئے ماہرین تجویز دیتے ہیں کہ صحت مند وزن برقرار رکھیں کیونکہ جسمانی وزن کو مناسب حد میں رکھنا دل پر دباؤ کم کرتا ہے۔پھل، سبزیاں، کم چکنائی والی ڈیری مصنوعات اور کم نمک والی متوازن غذاؤں کا استعمال کریں۔روزانہ ورزش کریں اورروزانہ کم از کم 30 منٹ کی جسمانی سرگرمی بلڈ پریشر کو قابو میں رکھنے میں مددگار ہے۔ماہرین کے مطابق تمباکو نوشی اور الکحل سے پرہیز کریں،یہ دونوں عوامل بلڈ پریشر کو بڑھا سکتے ہیں۔
کوئٹہ سے مزید