کراچی (اسٹاف رپورٹر)وزیر اعلیٰ سندھ سید مراد علی شاہ سے ورلڈ بینک کے وفد کی ملاقات ، سرکاری اعلامیہ کے مطابق وزیر اعلیٰ ہاوس میں ہونے والی اس ملاقات میں وفد کی قیادت منیجنگ ڈائریکٹر انا بیجارڈ کر رہی تھیں۔ ملاقات میں سندھ میں واٹر، سینی ٹیشن اینڈ ہائجن (WASH) پروجیکٹ کے آغاز اور سیلاب متاثرین کی رہائش کے منصوبوں پر تبادلہ خیال کیا گیا۔ صاف پانی اور صفائی کی سہولیات کی بہتری کے لیے اجلاس میں 270ملین ڈالر کی لاگت سے واش پروجیکٹ کے مثر آغاز پر اتفاق کیا گیا۔ یہ منصوبہ سندھ کے 3200سیلاب متاثرہ دیہاتوں میں صاف پانی، نکاسی اور صفائی کی سہولیات فراہم کرے گا جس سے 15لاکھ افراد مستفید ہوں گے۔ منصوبے کی فنڈنگ میں ورلڈ بینک کا 75 ملین ڈالرز، اسلاسلامی ترقیاتی بینک کا 13 ملین ڈالرز، ایشیائی ترقیاتی بینک کا 100 ملین ڈالرز اور سندھ حکومت کے 100 ملین ڈالر زشامل ہیں۔اجلاس میں سندھ پیپلز ہاسنگ پروجیکٹ پر بھی بات چیت ہوئی جو بلاول بھٹو زرداری کے ویژن کے تحت سیلاب متاثرین کے لیے گھروں کی تعمیر اور سماجی تبدیلی کے لیے شروع کیا گیا ہے۔ وزیر اعلی سید مراد علی شاہ نے بتایا کہ سنہ 2022 کے سیلاب نے صوبے کا 70 فیصد حصہ زیر آب کر دیا، 1.2 کروڑ افراد متاثر ہوئے اور 21 لاکھ گھر تباہ ہوئے۔ یہ منصوبہ 1.5 کروڑ دیہی آبادی کو کور کرتا ہے، جو دنیا کے 154 ممالک سے زیادہ ہے۔
فرمان الہی
نماز کے اوقات
