مکہ مکرمہ (این این آئی) سعودی عرب کی حج سکیورٹی فورسز اور دیگر ادارے غیرقانونی طریقے سے مکہ مکرمہ داخل ہونے والوں کی نگرانی کے لئے جدید ٹیکنالوجی کا استعمال کر رہے ہیں،جدید اور حساس کیمروں سے رات کو بھی بہتر طور پر راستوں کی نگرانی کی جا سکتی ہے۔ سعودی اخبار کے مطابق حج سکیورٹی فورسز کی مختلف ٹیمیں زمین کے علاوہ فضائی نگرانی بھی جامع انداز میں کر رہی ہیں۔ جدید ٹیکنالوجی استعمال کرتے ہوئے مکہ مکرمہ کے چاروں اطراف میں ڈرونز کا استعمال کیا جا رہا ہے تاکہ چور راستوں کا استعمال کرنے والوں کو مکہ مکرمہ داخل ہونے سے روکا جا سکے۔ حج ٹاسک فورسز کی ٹیمیں فضائی نگرانی کے لئے خصوصی ڈرونز استعمال کر رہی ہیں جن میں انتہائی جدید اور حساس کیمرے نصب ہیں جن کے ذریعے رات کے وقت بھی بہتر طورپر راستوں کی نگرانی کی جا سکتی ہے۔ ڈرونز نگران سینٹر کو موصول ہونے والی وڈیو کے ذریعے گرائونڈ کنٹرول ٹاور کو مطلع کیا جاتا ہے جو قریب ترین پولیس پارٹی کو لوکیشن کے بارے میں مطلع کرتی رہتی ہیں تاکہ غیرقانونی طورپر مکہ میں داخل ہونے والوں کو روکا جاسکے۔
فرمان الہی
نماز کے اوقات
