• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک فوج نے بھارت کا غرور خاک میں ملا دیا، سردار خان نیازی

میرا شہر
کوئٹہ
23 جون ، 2025
کوئٹہ(اسٹاف رپورٹر)نیو پاکستان زندہ باد موومنٹ کے وائس چیئرمین سردار خان نیازی اور سردار نصیر خان کا کڑ نے کہا ہے کہ پاک فوج نے بھارتی جارحیت کا منہ توڑ جواب دے کر اس کا غرور خاک میں ملا دیا اور پوری دنیا پر واضح کردیا کہ پاکستان کی طرف میلی آنکھ سے دیکھنے والوں کو ہمیشہ عبرت کا نشان بنایا جائے گا ۔ یہ بات انہوں نے مختلف علاقوں سے تعلق رکھنے والوں طاہر خان درانی ، حاجی برات خان ، حاجی لالئی ، داد محمد کاکڑ ، شیر عالم سمیت دیگر کی پاکستان سولجر موومنٹ سے مستفی ہوکر نیو پاکستان زند آباد موومنٹ میں شامل ہونے کے موقع پر اتوار کو کوئٹہ پریس کلب میں پریس کانفرنس کرتے ہوئے کہی ، اس موقع پر دیگر رہنما بھی موجود تھے ۔ سردار خان نیازی نے کہا کہ ہماری موومنٹ کا منشور سرزمین پاکستان کا تحفظ اور افواج پاکستان کے شانہ بشانہ ملک کا دفاع ، عوام کے مسائل حل اور ملک کے استحکام پر مشتمل ہے ، ہم ہمیشہ سرزمین پاکستان کے تحفظ اور افواج پاکستان کے شانہ بشانہ ملک کے دفاع کے لئے اپنا کردار ادا کرتے رہیں گے ۔ انہوں نے کہا کہ پاک فوج نے جس طرح بھارتی جارحیت کا منہ توڑ جواب دے کر اس کا غرور مٹی میں ملایا اور دنیا کو باور کرایا کہ افواج پاکستان ملک و قوم کے دفاع پر کوئی سمجھوتہ نہیں کرسکتی اور پاکستان کی طرف میلی آنکھ سے دیکھنے والوں کو ہمیشہ عبرت کا نشان بنائیں گئے ۔
کوئٹہ سے مزید