• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

موٹرسائیکلوں کی نمبر پلیٹس تبدیل کرنے کا حکم، سندھ حکومت کا مہنگائی کے ستائے عوام پر ایک اور مالی بوجھ

آج کا اخبار
اہم خبریں
05 جولائی ، 2025
کراچی(نیوز ایجنسیاں) سندھ حکومت کی جانب سے صوبے بھر میں موٹرسائیکلوں کی نمبر پلیٹس کی تبدیلی کا حکم جاری کر دیا گیا، جسکے بعد مہنگائی کے ستائے عوام کو اضافی مالی بوجھ کا سامنا کرنا پڑ رہا ہے۔ محکمہ ایکسائز اینڈ ٹیکسیشن کے دفاتر کے باہر نئی نمبر پلیٹس کے حصول کیلئے شہریوں کی طویل قطاریں لگ گئی ہیں۔ شہریوں نے مطالبہ کیا ہے کہ حکومت نئی نمبر پلیٹس سے متعلق عوام دوست اور قابل عمل پالیسی بنائے تاکہ عام آدمی کو ریلیف مل سکے۔ شہریوں نے کہاکہ ایکسائز ڈیپارٹمنٹ نئی نمبر پلیٹ 1850روپے میں فراہم کر رہا ہے، جبکہ اسی معیار کی پلیٹس مارکیٹ میں محض 600روپے میں دستیاب ہیں۔ شہریوں نے مہنگی سرکاری فیس پر تحفظات کا اظہار کرتے ہوئے مطالبہ کیاکہ پلیٹس کی قیمت کم کی جائے یا اس عمل کے لیے کوئی نرم پالیسی وضع کی جائے۔محکمہ ایکسائز کے مطابق سندھ بھر میں تقریبا 65 لاکھ موٹرسائیکلیں رجسٹرڈ ہیں، جبکہ صرف کراچی میں یہ تعداد 33 لاکھ سے تجاوز کر چکی ہے۔ بیشتر شہری موٹرسائیکلیں خرید تو لیتے ہیں لیکن انہیں اپنے نام رجسٹرڈ نہیں کراتے، بلکہ اوپن لیٹر پر ہی استعمال کرتے ہیں، جو قانونا جرم ہے۔
اہم خبریں سے مزید