• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بینک اسلامی اور زیڈ ایل کے اسلامک فنانشل سروسز کا رِبا سے پاک بینکاری اور سرمایہ کاری کے فروغ کیلئے اشتراک

آج کا اخبار
اہم خبریں
17 جولائی ، 2025
کراچی(اسٹاف رپورٹر ) پاکستان میں ربا سے پاک بینکاری کے فروغ کے لیے ایک مشترکہ کوشش کے طور پر، بینک اسلامی اور پاکستان کی شریعت کے مطابق پہلی بروکریج فرم، زیڈ ایل کے اسلامک فنانشل سروسز نے اسلامی مالیات پر ایک مؤثر سیشن منعقد کیا۔یہ سیشن مختلف صنعتوں سے تعلق رکھنے والے ماہرین اور اخلاقی بینکاری کی حمایت کرنے والوں کے لیے منعقد کیا گیا تھا اور اس کا مقصد اسلامی مالیاتی نظام کی اہمیت اور عملی اطلاق کو اجاگر کرنا تھا۔ ’بامقصد قیادت ‘کے عنوان سے منعقدہ اس تقریب کا محور اسلامی مالیات سے متعلق بامعنی مکالمات تھےجن کا مقصد افراد کو باخبر اور شریعت کے مطابق مالی فیصلے کرنے میں رہنمائی فراہم کرنا تھا۔اس سیشن میں کاروباری برادری سے تعلق رکھنے والے معزز ارکان اور کارپوریٹ لیڈرز کے ساتھ دیگر نامور اداروں کے نمائندوں نے شرکت کی۔ ان اداروں میں فیڈریشن آف پاکستان چیمبرز آف کامرس اینڈ انڈسٹری، اسلام آباد چیمبر آف کامرس اینڈ انڈسٹری ، راولپنڈی چیمبر آف کامرس اینڈ انڈسٹری شامل تھے۔اِن کے علاوہ، سول سوسائٹی، مسلح افواج کےافسران، سرکاری اداروں، مالیاتی اداروں کے نمائندگان اور دینی اسکالرز بھی اس تقریب میں شریک ہوئے۔سابق چیئرمین شریعت ایڈوائزری کمیٹی اسٹیٹ بینک آف پاکستان، موجودہ چیئرمین شریعت ایڈوائزری کمیٹی سیکیورٹیز اینڈ ایکسچینج کمیشن آف پاکستان اور بینک اسلامی کے شریعہ بورڈ کے چیئرمین ، ڈاکٹر مفتی ارشاد احمد اعجاز نے تقریب سے کلیدی خطاب کیااورعالمی سطح پر اسلامی مالیات کی بڑھتی ہوئی اہمیت کو اجاگر کیا۔
اہم خبریں سے مزید