• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکا کی حزب اللّٰه کو غیر مسلح کرنے کی سفارتی کوششیں

امریکی ایلچی تھامس بیرک بیروت میں لبنانی صدر سے ملاقات کر رہے ہیں(تصویر سوشل میڈیا)۔
امریکی ایلچی تھامس بیرک بیروت میں لبنانی صدر سے ملاقات کر رہے ہیں(تصویر سوشل میڈیا)۔

امریکا نے لبنان میں حزب اللّٰه کو غیر مسلح کرنے کی سفارتی کوششیں شروع کردی ہیں۔ اس حوالے سے بیروت میں امریکی ایلچی برائے شام تھامس بیرک نے لبنان کے صدر جوزف اون سے ملاقات کی۔ 

تھامس بیرک نے دعویٰ کیا کہ لبنان کی حکومت حزب اللّٰه کو غیر مسلح کرنے کو تیار ہے۔

لبنان کے صدر سے ملاقات کے بعد تھامس بیرک نے پریس کانفرنس سے خطاب کرتے ہوئے کہا کہ حزب اللّٰه کو غیر مسلح کرنے کے لبنانی موقف سے غیرمعمولی مطمئن ہوں۔

تھامس بیرک نے اس موقع پر انکشاف کیا کہ شام اور اسرائیل میں بات چیت جاری ہے، لبنان کو بھی امن کیلئے اسرائیل سے مذاکرات کرنے چاہئیں۔ 

امریکی ایلچی تھامس بیرک کا مزید کہنا تھا کہ حزب اللّٰہ سے نمٹنا لبنان کا اندرونی مسئلہ ہے، خطہ بدل رہا ہے، جنھوں نے تبدیلی کا ساتھ نہ دیا وہ پیچھے رہ جائیں گے۔ 

دریں اثنا حزب اللّٰه نے امریکی ایلچی کو پیغام میں کہا کہ تعمیر نو کیلئے تیار ہیں مگر حقوق سے پیچھے نہیں ہٹیں گے۔ 

حزب اللّٰه کے رہنما نعیم قاسم نے کہا مزاحمت جاری رہے گی، اسرائیلی قبضے کو جائز تسلیم نہیں کرتے۔ 

بین الاقوامی خبریں سے مزید