فرمان الہی
نماز کے اوقات
پاک افغان سرحد پر خوارج کی دراندازی کی کوشش ناکام بناتے ہوئے سیکیورٹی فورسز کے اہلکاروں نے 5 مبینہ خودکش حملہ آوروں کو گرفتار کر لیا۔
سیکیورٹی کے ذرائع کے مطابق 17 جولائی کی شام 5 بجے خوارج نے پاک افغان سرحد سے دراندازی کی کوشش کی، سیکیورٹی فورسز نے اطلاع ملتے ہی پانچ مختلف مقامات پر ناکہ بندی کی، شام 6 بج کر 25 منٹ پر خوارج سرحد سے پاکستانی حدود میں داخل ہوئے۔
سیکیورٹی کے ذرائع کا کہنا ہے کہ دراندازی کے بعد خوارج نے عزیز خیل اور منڈی خیل کی سمت پیش قدمی کی، سیکیورٹی فورسز کی موجودگی کے باعث خوارج نے بیسی خیل کی مسجد میں پناہ لے لی، سیکیورٹی فورسز نے فوری طور پر مسجد کا محاصرہ کرلیا۔
ذرائع کے مطابق سیکیورٹی فورسز کی بہترین حکمتِ عملی کے باعث خوارج نے ہتھیار ڈال دیے۔ گرفتار خوارج افغان شہری ہیں، تین کے پاس افغان شناختی کارڈ بھی موجود ہیں، گرفتار افراد کی عمریں 15 سے 18 سال کے درمیان ہیں، تمام خوارج کو مزید تفتیش کے لیے نامعلوم مقام پرمنتقل کر دیا گیا ہے۔
