فرمان الہی
نماز کے اوقات
جھنگ میں فیصل آباد روڈ پر سڑک کنارے سے 19 سالہ طالبہ کی لاش ملنے پر ایک ملزم کو گرفتار کرکے مقدمہ درج کر لیا گیا۔
ملزم کی نشاندہی پر طالبہ کا لیپ ٹاپ برآمد کرلیا گیا، اس کا موبائل فون نہر میں پھینک دیا تھا۔ ملزم نے لاش کو ٹھکانے لگانے کیلئے اپنی ذاتی گاڑی استعمال کی، زیر حراست ملزم سےتفتیش جاری ہے۔
پولیس کے مطابق راولپنڈی زرعی یونیورسٹی کی طالبہ بس کے ذریعے جھنگ میں اپنے گھر آرہی تھی، اس دوران اہلخانہ کے ساتھ بھی رابطے میں تھی۔
پولیس کا کہنا ہے کہ قتل کے الزام میں مقتولہ کے ایک رشتہ دار کو حراست میں لیا گیا ہے، ملزم طیب نے بیان دیا کہ اُس نے طالبہ کو چنیوٹ موڑ کے قریب ورغلا کر بس سے اتار لیا، بعد میں اغوا کرکے زہریلی چیز کھلا کر قتل کر دیا۔
ملزم نے لاش کو ٹھکانے لگانے کیلئے اپنی گاڑی استعمال کی اور لاش کو سڑک پر پھینک دیا۔
سینئر سپرنٹنڈنٹ آف پولیس (ایس ایس پی) کا کہنا ہے کہ ملزم مقتولہ سے شادی کرنا چاہتا تھا، لیکن والدین شادی کیلئے تیار نہیں تھے۔ ملزم کی نشاندہی پر طالبہ کا لیپ ٹاپ برآمد کرلیا گیا اور مقدمہ درج کرکے مزید کارروائی شروع کر دی گئی ہے۔
