فرمان الہی
نماز کے اوقات
پاکستان ہائی کمیشن لندن میں پاکستانی ہائی کمشنر ڈاکٹر محمد فیصل اور وزیر مملکت برائے اوورسیز پاکستانی و انسانی وسائل عون چوہدری نے ملاقات کی۔
ملاقات کے دوران برطانیہ میں مقیم پاکستانی کمیونٹی کو سہولتیں فراہم کرنے اور برطانوی منڈی میں ہنرمند پاکستانی کارکنوں کے لیے روزگار کے مواقع پر تبادلہ خیال کیا گیا۔
ہائی کمشنر نے وزیرِ مملکت کو پاکستان اِن یو کے کے تحت دی جانے والی قونصلر خدمات سے آگاہ کیا اور اس امر کو واضح کیا کہ ہائی کمیشن کی ٹیم برطانوی پاکستانیوں کو ہر ممکن تعاون فراہم کرنے کے لیے سرگرم عمل ہے۔
ڈاکٹر فیصل نے کہا کہ اوورسیز پاکستانی ملک کا قیمتی اثاثہ ہیں اور پاکستان ہائی کمیشن ان کی خدمت اور پاکستان و برطانیہ کے درمیان عوامی روابط کو مضبوط بنانے کے لیے پُرعزم ہے۔
