• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رواں سال پنجاب بھر میں انسداد پتنگ بازی ایکٹ کے 4ہزار سے زائد ملزم گرفتار

میرا شہر
اسلام آباد
28 جولائی ، 2025
راولپنڈی(سٹاف رپورٹر)رواں سال پنجاب بھر میں انسداد پتنگ بازی ایکٹ کی خلاف ورزی پر4ہزار 495ملزموں کو گرفتارکیاگیا۔ ترجمان پنجاب پولیس کے مطابق رواں سال صوبہ بھر میں انسداد پتنگ بازی ایکٹ کی خلاف ورزی پر 4495 ملزمان گرفتار کر کے 4521 مقدمات درج کئے گئے۔ 4 لاکھ 81 ہزار 460 پتنگیں، 18 ہزار 453 ڈور کی چرخیاں برآمد کی گئیں اور 3985 کیسز کے چالان جمع کروائے گئے۔ صوبائی دارالحکومت میں 1272 ملزمان گرفتار کئے گئے ، 1241 مقدمات درج کرکے 28341 پتنگیں اور 1430 ڈور کی چرخیاں برآمد کی گئیں،اس حوالے سے آئی جی پولیس پنجاب نے ہدایات جاری کرتے ہوئے کہاہے کہ پتنگ بازی ممانعت ترمیمی بل کے قانون پر سختی سے عملدرآمد یقینی بنائیں،آر پی اوز، سی پی اوز، ڈی پی اوز پتنگ بازوں، پتنگ فروشوں اور مینوفیکچررز کے خلاف کریک ڈاؤن میں تیزی لائیں،انہوں نے کہاکہ جان لیوا سرگرمی کی ہرگز اجازت نہیں اور خونی دھندے میں ملوث افراد کے خلاف زیرو ٹالرنس پالیسی اپنائیں، دھاتی ڈور اور پتنگوں کے آن لائن کاروبار میں ملوث عناصر کو بھی قانون کی گرفت میں لایا جائے،ڈاکٹر عثمان انور نے کہا کہ والدین اپنے بچوں کو اس خونی کھیل سے دور رکھیں اور شہری کسی بھی مقام پر پتنگ بازی کی صورت میں 15 پر اطلاع دے کر ذمہ داری کا ثبوت دیں۔
اسلام آباد سے مزید