فرمان الہی
نماز کے اوقات
امریکی صدر ڈونلڈ ٹرمپ نے امریکی میڈیا سے ٹیلیفون پر بات کرتے ہوئے یوکرین تنازع کے سوال پر کہا ہے کہ ایندھن کی قیمتیں کم ہوجائیں تو روسی صدر پیوٹن لوگوں کو ہلاک کرنا بند کر دیں گے۔
صدر ٹرمپ کا کہنا تھا کہ اگر ایندھن کی قیمتیں مزید 10 ڈالر فی بیرل کم کر دی جائیں تو صدر پیوٹن کے پاس کوئی اور راستہ نہیں رہے گا۔
انھوں نے کہا کیونکہ ایندھن کی قیمتیں کم ہونے سے روس کی معیشت ڈوبے گی تو پیوٹن کو ہلاکتیں روکنا پڑیں گی۔
ٹرمپ کا مزید کہنا تھا کہ سیمی کنڈکٹرز اور چپس پر ٹیرف کا اعلان اگلے ہفتے کرسکتا ہوں، فارما انڈسٹری پر ابتدا میں کم ٹیرف لگا رہے ہیں۔ ایک سے ڈیڑھ سال میں فارما پر ٹیرف 150 سے 250 فیصد تک ہوجائے گا۔
امریکی صدر نے مزید کہا کہ ہم چاہتے ہیں فارماسیوٹیکل مصنوعات امریکا میں ہی بنائی جائیں۔
