فرمان الہی
نماز کے اوقات
بھارت میں ایک مصروف ہائی وے کے ٹول پلازہ کے قریب جنگلی ہاتھی نے وہاں سے گزرنے والی گاڑیوں پر حملہ کر کے خوف و ہراس پھیلا دیا۔
بھارتی میڈیا کی رپورٹ کے مطابق سوشل میڈیا پر وائرل ہونے والی ایک ویڈیو میں دیکھا جا سکتا ہے کہ ہاتھی نے سڑک پار کرنے کے لیے دوسری طرف جاتے ہوئے ٹریفک میں افراتفری مچا دی۔
ہاتھی کو اپنی سونڈ سے ٹول لین میں کھڑی ایک گاڑی کو شدید نقصان پہنچاتے ہوئے دیکھا گیا، تاہم ڈرائیور نے فوراً گاڑی بھگا کر جان بچا لی۔
حکام کے مطابق ٹول پلازہ کے قریب تقریباً روز ہی ہاتھی دیکھے جا رہے ہیں، جو سیکیورٹی کے لیے خطرہ بن چکے ہیں۔
یہ واقعہ مقامی آبادی میں غصے اور خوف کا باعث بنا ہے اور لوگوں نے فوری کارروائی کا مطالبہ کیا۔
