فرمان الہی
نماز کے اوقات
کراچی(اسٹاف رپورٹر)گورنر سندھ کامران خان ٹیسوری نے ایم کیو ایم کے وفد کے ہمراہ ایم ڈبلیو ایم کے صوبائی سیکرٹریٹ میں وائس چیئرمین ایم ڈبلیو ایم علامہ سید احمد اقبال رضوی و دیگر رہنماؤں سے ملاقات کی اس کے بعد ذمہ داران کے ہمراہ پریس کانفرنس سے خطاب کیا۔ کانفرنس سے خطاب میں علامہ احمد اقبال رضوی نے کہا کہ ہمارے مارچ کا مقصد صرف یہ تھا کہ حکومتی پابندی کے باوجود زائرین ہر صورت کربلا کی زیارت کو پہنچ سکیں۔جب سے زمینی راستوں کی بندش کے خلاف ایم ڈبلیو ایم کا اربعین حسینی مارچ شروع ہوا گورنر سندھ نے وفاق کے ساتھ مذاکرات میں مدد کی اور اس مسئلے کے حل۔کیلئے خصوصی توجہ دی جس پر تمام ملت جعفریہ کی ملی تنظیمیں، قافلہ سالار، زائرین ان کے شکر گزار ہیں زائرین کا مسئلہ عقیدت کا ہے، سیاسی نہیں، امام حسینؓ سے گورنر سندھ کی عقیدت قابل ذکرہے،زائرین کا مسئلہ حکومتی پابندی کے باوجود کربلا جانا تھا، جو حل ہورہا ہے، اس میں گورنر سندھ کی اہم کاوش ہیں، مزاکراتی کمیٹی نے کاموں کا آغاز کردیا ہے،انشاء اللہ زائرین زیارت پر جاسکیں گے۔کانفرنس سے خطاب میں گورنر سندھ نے کہا کہ زائرین کے مسائل آئندہ 48 گھنٹوں میں حل ہو جائیں گے اور مسائل حل ہونے تک وہ خود نگرانی کرتے رہیں گے۔ایم ڈبلیو ایم کے آفس ملاقات کا مقصد مجلس وحدت مسلمین کے چیئرمین سینیٹر علامہ راجہ ناصر عباس جعفری اور ان کے رہنماؤں کا شکر ادا کرنا اور گزشتہ وفاقی حکومت کی جانب سے زائرین کے مطالبات کے حل کیلئے فالو اپ تھا۔
