فرمان الہی
نماز کے اوقات
چین میں بدلتی خوراک کی عادت نے بیڈمنٹن میں بحرانی کیفیت پیدا کردی ہے۔
میڈیا رپورٹس کے مطابق بیڈمنٹن کی شٹل کاک کا بحران پیدا ہونے کا خدشہ پیدا ہوگیا ہے جس سے بیڈمنٹن کے کھلاڑی، منتظمین اور مینو فیکچرز پریشان ہیں۔
میڈیا رپورٹس کے مطابق پروں سے بننے والی معیاری شٹل کاکس تیزی سے ختم ہورہی ہیں، جن کے پاس شٹل کاکس کا اسٹاک پڑا ہے وہ بھی پریشانی میں مبتلا ہیں۔
معیاری شٹل کاکس بطخ اور ہنس کے پروں سے تیار کی جاتی ہیں، چین میں اب ان جانوروں کی مانگ کم ہے کیوں کہ چینی اب ان جانوروں کا گوشت کم کھاتے ہیں۔
چین میں ان جانوروں کی اب فارمنگ بھی کم ہورہی ہے، کم فارمنگ سے شٹل کاکس کے لیے پرَ دستیاب نہیں، بیڈمنٹن کے لیے صرف جانوروں کی فارمنگ کرنا منافع بخش کاروبار نہیں ہے۔
میڈیا رپورٹس کے مطابق شٹل کاکس بنانے والی بڑی کمپنیوں نے اب متبادل انتظامات کے بارے سوچنا شروع کردیا ہے، ایسی معیاری شٹل کاکس بنانے کی پلاننگ کی جا رہی ہے جس کے لیے پروں کی ضرورت نہ ہو۔
میڈیا رپورٹس میں بتایا گیا ہے کہ فرانس اور بھارت سمیت دیگر ممالک میں بھی شٹل کاکس کی قلت کے مسئلے کو اجاگر کیا جانے لگا ہے۔
شٹل کاکس کے لیے بڑے مینو فیکچرز کی پروں کی ضرورت چین سے با آسانی پوری ہوتی تھی، شٹل کاکس پولٹری کی بائی پراڈکٹ ہے بہترین شٹلز بطخ اور ہنس کے پروں سے تیار ہوتی ہیں۔
