فرمان الہی
نماز کے اوقات
اٹلی کے شہر میلان کے ایئر پورٹ پر ایک شخص نے چیک ان ایریا میں آگ لگا دی، جس کی ویڈیو نے سوشل میڈیا پر وائرل ہوگئی۔
مختلف سوشل میڈیا پلیٹ فارمز پر ایک ویڈیو وائرل ہو رہی ہے، جس میں دیکھا جاسکتا ہے کہ میلان کے مالپینسا ایئر پورٹ کے ٹرمینل 1 پر اس وقت افراتفری مچ گئی جب ایک ڈیسک پر آگ بھڑک اُٹھی۔
یہ واقع بدھ کے روز مقامی وقت کے مطابق صبح 11 بجے پیش آیا جب ایک نوجوان نے چیک ان ایریا میں آگ لگا دی، جس کے بعد ایئر پورٹ کو جزوی طور پر خالی کرا لیا گیا۔
میڈیا رپورٹس کے مطابق مذکورہ شخص نے ڈیجیٹل اسکرینز پر بھی حملہ کیا جس کے بعد اسے حراست میں لے لیا گیا۔
ایئر پورٹ ایسوسی ایشن کے مطابق مذکورہ شخص کو حراست میں لینے کے بعد صورتحال کو قابو میں کر لیا گیا ہے، کسی جانی نقصان کی اطلاع موصول نہیں ہوئی۔ تاہم اس حادثے کے سبب مسافروں کو پرواز کی رونگی میں تاخیر کا سامنا کرنا پڑا۔
