فرمان الہی
نماز کے اوقات
سری لنکا کے سابق گرفتار صدر رانیل وکرماسنگھے کو منگل کو ضمانت مل گئی۔
واضح رہے کہ سابق صدر رانیل وکرماسنگھے کو کولمبو میں گزشتہ ہفتے ان کے دور صدارت میں ریاستی فنڈز کے غلط استعمال کے الزامات کے تحت گرفتار کیا گیا تھا۔
76 سالہ سابق صدر کی یونائیٹڈ نیشنل پارٹی کے مطابق انکی طعبیت خرابی پر انھیں سرکاری اسپتال میں داخل کیا گیا تھا۔ آج وہ اسپتال سے زوم کے ذریعے عدالت میں اپنے کیس کی سماعت میں شریک ہوئے۔
سری لنکن میڈیا کے مطابق رانیل وکرماسنگھے زیرِ تفتیش بیان ریکارڈ کروانے سی آئی ڈی کے دفتر پہنچے تھے جہاں انہیں گرفتار کر لیا گیا۔
پولیس کے مطابق 2023ء میں وکرماسنگھے نے اپنی اہلیہ کی ایک برطانوی یونیورسٹی کی تقریب میں شرکت کے لیے لندن کا دورہ کیا تھا جس کے اخراجات مبینہ طور پر ریاستی خزانے سے ادا کیے گئے۔
