فرمان الہی
نماز کے اوقات
بھارت کی طرف سے پانی چھوڑنے کے بعد دریائے راوی، چناب اور ستلج میں سیلابی صورتحال ہے جس نے پاکستان میں تباہی مچا دی ہے، مختلف حادثات میں 12 افراد جاں بحق ہوگئے۔
بھارت سے آنے والے ریلوں سے قبل مسلسل بارشوں کے باعث پہلے ہی پنجاب کے بڑے دریاؤں میں پانی کے بہاؤ میں اضافہ ہو رہا تھا لیکن جب بھارت نے دریائے راوی میں 2 لاکھ کیوسک پانی چھوڑا تو تینوں دریا بپھر گئے اور ہر طرف تباہی مچ گئی۔
لیکن کیا آپ جانتے ہیں کہ بھارت کی جانب سے چھوڑے گئے 2 لاکھ کیوسک پانی کی لیٹر کے حساب سے کتنی مقدار ہوگی؟ یہ یہ جاننے کے لیے پہلے ضروری ہے کہ آپ یہ جان لیں کہ کیوسک کا مطلب کیا ہے؟
جس طرح وزن کے لیے کلو گرام، فاصلے کے لیے کلومیٹر اور رقبے کے لیے مرلہ وغیرہ کے پیمانے استعمال کیے جاتے ہیں، اسی طرح مائع یا سیال چیزوں کے بہاؤ اور خاص طور پر دریاؤں اور نہروں کے بہاؤ کی پیمائش کے لیے جو پیمانہ استعمال کیا جاتا ہے اسے ’کیوسک‘ کہا جاتا ہے۔
کیوسک (Cusec) دراصل کیوبک (مکعب) فٹ فی سیکنڈ لفظ کا مخفف ہے، یعنی کیوسک سے مراد کسی وقت میں فی یونٹ پانی کا بہاؤ ہے، یہ پانی کی مجموعی مقدار نہیں۔
ایک مکعب یا کیوبک فٹ میں لگ بھگ 28.32 لیٹر پانی ہوتا ہے، تو اگر کسی جگہ سے ایک سیکنڈ میں ایک کیوبک فٹ یا 28 لیٹر سے زائد پانی گزرے تو پانی کی وہ مقدار ایک کیوسک ہوگی۔
لہٰذا جب یہ کہا جاتا ہے کہ فلاں جگہ سے ایک لاکھ کیوسک کا ریلہ گزرے گا تو اس کا مطلب ہے کہ وہاں سے ایک سیکنڈ میں 2 لاکھ 83 ہزار 170 لیٹر پانی گزرے گا۔
اس حساب سے بھارت کی جانب سے دریائے راوی میں 5 لاکھ 66 ہزار 340 لیٹر پانی چھوڑا گیا جو اس وقت پنجاب میں بڑے پیمانے پر تباہی کا سبب بن رہا ہے۔
