فرمان الہی
نماز کے اوقات
نئی دہلی میں طوفانی بارشوں نے ہر طرف پانی ہی پانی کردیا، سڑکیں اتنی پانی میں ڈوب گئیں کہ شہریوں نے سوچا کیوں نہ اسے سوئمنگ پول بنا لیا جائے اور تیراکی کے جوہر دکھائے جائیں۔
بھارتی دارالحکومت میں طوفانی بارش کے بعد سڑکیں ندی نالوں کا منظر پیش کرنے لگیں ہیں، اس دوران ایک بس پانی میں پھنس گئی تو کئی نوجوانوں نے اس کی چھت سے چھلانگ لگا کر پانی میں تیرنا شروع کردیا۔
سوشل میڈیا پر وائرل ہونے والی ویڈیوز میں لوگ سڑک پر جمع پانی میں مزے سے تیراکی کرتے دکھائی دے رہے ہیں۔
سوشل میڈیا صارفین بھی دلچسپ صورتحال سے لطف اندوز ہوتے ہوئے تبصرے کر رہے ہیں، ایک صارف نے کہا کہ اب دہلی میں میٹرو کی نہیں، لائف جیکٹ کی ضرورت ہے۔
ایک صارف نے تبصرہ کیا کہ اگر ایسا ہی رہا تو اگلے سال ایشین گیمز کی تیراکی مقابلے دہلی کی سڑکوں پر ہوسکتے ہیں۔
