فرمان الہی
نماز کے اوقات
وزیراعلیٰ پنجاب مریم نواز نے کہا ہے کہ نئے ڈیمز اور ریزروائر بنانے سمیت جو کچھ کرنا پڑا کریں گے۔
جیو نیوز کے پروگرام ’نیا پاکستان‘ میں گفتگو کے دوران مریم نواز نے کہا کہ ایک سال میں ایسے اقدامات کروں گی کہ اگر اگلے سال سیلاب آئے تو تباہی نہ ہو۔
انہوں نے کہا کہ بارش کے ایک ساتھ تین چار اسپیلز، بھارت کی جانب سے پانی چھوڑنے سے سنگین چیلنج کا سامنا کرنا پڑ رہا ہے۔
وزیراعلیٰ پنجاب نے مزید کہا کہ ریسکیو کی غیرمعمولی تیاریوں اور ارلی وارننگ سسٹم کی وجہ سے بڑے نقصان سے بچ گئے ہیں۔ یہ میری وزارت اعلی کے دوران پہلا سیلاب ہے، بر وقت سیلاب زدہ علاقوں سے متاثرین کی منتقلی سے ہزاروں جانیں بچالی گئیں۔
مریم نواز نے یہ بھی کہا کہ این ڈی ایم اے، پی ڈی ایم اے اور اپنی ٹیم کو آئندہ سیلاب سے بچنے کا پلان مرتب کرنے کی ہدایت کردی ہے۔
انہوں نے کہا کہ ریسکیو کی غیرمعمولی تیاریوں اور ارلی وارننگ سسٹم کی وجہ سے بڑے نقصان سے بچ گئے، نئے ڈیمز اور ریزر وائر بنانے سمیت جو کرنا پڑا کریں گے۔
