فرمان الہی
نماز کے اوقات
وزیر اطلاعات پنجاب عظمیٰ بخاری نے کہا ہے کہ پنجاب حکومت نے کسی نجی تنظیم یا فرد کو سیلاب متاثرین کو کھانا دینے سے نہیں روکا۔
انہوں نے اپنے بیان میں کہا ہے کہ حکومت نےکہا کھانا تقسیم سے پہلے ضلعی انتظامیہ اور فوڈ اتھارٹی کو چیک کروائیں۔ بعض جگہوں پر کچھ افراد کی جانب سے غیرمعیاری کھانا تقسیم کرنے کی شکایت آئی۔
عظمیٰ بخاری کا کہنا ہے کہ سیلاب متاثرین کی صحت کا خیال رکھتے ہوئے یہ ہدایات دی گئیں، متاثرہ علاقوں میں بیماریاں پھیلنے کا خدشہ ہے، عوام کی صحت کے تحفظ کے لیے یہ اقدام کیا ہے۔
انہوں نے کہا کہ اس معاملے کو سیاسی پوائنٹ اسکورنگ کے لیے استعمال نہ کیا جائے، کچھ لوگ کھانا تقسیم کرنے سے روکنے پر جھوٹا پروپیگنڈا کر رہے ہیں۔
ان کا کہنا ہے کہ مریم نواز ہر جگہ خود جا رہی ہیں کہ انتظامیہ کو پتہ ہو کہ کوئی دیکھنے پوچھنے والا ہے۔ پنجاب کے عوام کو بھی پتہ چلتا ہے کہ حاکم وقت ان کی بات سننے کے لیے ان کے پاس آئے۔
صوبائی وزیر اطلاعات نے یہ بھی کہا کہ عوام جانتی ہے ان کی وزیراعلیٰ ہر حال میں ہر جگہ ان کے ساتھ کھڑی ہیں۔
