فرمان الہی
نماز کے اوقات
اسلام آباد (آن لائن) اسلام آباہا ئی کورٹ نے مبینہ جعلی ڈگری کیس میں جج جسٹس طارق محمود جہانگیری کو جوڈیشل ورک سے روکدیا۔ چیف جسٹس سردار سرفراز ڈوگر اور جسٹس اعظم خان نے بڑا حکم دیا اور مبینہ جعلی ڈگری کیس میں 2عدالتی معاون بھی مقرر کردیے۔ سینئر قانون دان بیرسٹر ظفر اللہ خان اور سابق اٹارنی اشتر اوصاف عدالتی معاونین میں شامل ہیں۔ عدالت نے اٹارنی جنرل پاکستان کو معاونت کیلئے نوٹس جاری کردیا، اٹارنی جنرل سے کیس کے قابل سماعت ہونے سے متعلق معاونت طلب کی گئی ہے، عدالت نے تحریری حکمنامہ جاری کردیا۔اسلام آباد ہائی کورٹ کے جسٹس طارق محمود جہانگیری کو جوڈیشل ورک سے روکدیا ہے، عدالت عالیہ نے جسٹس طارق محمود جہانگیری کو سپریم جوڈیشل کونسل کے فیصلے تک بطور جج کام سے روکنے کا حکم دیاہے۔منگل کوچیف جسٹس سرفراز ڈوگر اور جسٹس اعظم خان نے کیس کی سماعت کی اورسپریم جوڈیشل کونسل کے فیصلے تک عدالت نے کیس ملتوی کر دیاعدالت نے اپنے فیصلے میں کہاہے کہ سپریم جوڈیشل کونسل کا فیصلہ آنے تک کیس اسلام آباد ہائی کورٹ میں زیر التوا رہے گا۔
