• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اردو یونیورسٹی سینیٹ کا اجلاس دوسری مرتبہ بھی کورم نہ پورا ہونے کی وجہ سے ملتوی

آج کا اخبار
اہم خبریں
18 ستمبر ، 2025
کراچی( اسٹاف رپورٹر) وفاقی اردو یونیورسٹی کی سینٹ کا اجلاس دوسری مرتبہ بھی کورم نہ پورا ہونے کی وجہ سے ملتوی ہوگیا جس کے بعد طے کیا گیا کہ یہ اجلاس اب 29ستمبر کو کیا جائے گا بدھ کو ہونے والے اجلاس میں صرف6اراکین نے شرکت کی جن میں ڈپٹی چیئر جمیل احمد خان ڈاکٹر سروش لودھی، ڈاکٹر کمال، وائس چانسلر ضابطہ خان شنواری سعید اللہ والا، اور شکیل الرحمان شامل ہیں۔ واضع رہے کہ وفاق وزیر تعلیم و پیشہ ور تربیت ڈاکٹر خالد مقبول صدیقی نے اردو یونیورسٹی کے چانسلر/صدر مملکت کو خط لکھا تھا کہ اردو یونیورسٹی کی سینٹ کا اجلاس ملتوی کیا جائے- خط میں کہا گیا تھا وائس چانسلر ڈاکٹر ضابطہ خان شنواری کی بے ضابطگیوں پر قائم تحقیقاتی کمیٹی کی رپورٹ آنے تک وفاقی اردو یونیورسٹی کا سینٹ اجلاس موخر رکھا جائے۔ادھر اکیڈمک اسٹاف ایسوسی ایشن جامعہ اردو کے جنرل سکریٹری جمال اکرم نے سینٹ کا اجلاس نہ ہونے پر ان تمام اراکین کا شکریہ ادا کیا جن کے نہ آنے کی وجہ سے کورم پورا نہ ہوسکا۔ انھوں نے کہا کہ اراکین نے سینٹ اجلاس میں شرکت نہ کرکے اساتذہ دوستی، اصول پسندی اور حق و سچ کی حمایت کا ثبوت دیا ہے۔
اہم خبریں سے مزید