• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈیری فارموں کو جلد شہر سے باہر منتقل کیا جائیگا، کمشنر

میرا شہر
کوئٹہ
25 ستمبر ، 2025
کوئٹہ ( اسٹاف رپورٹر)کمشنر کوئٹہ ڈویژن شاہزیب خان کاکڑ نے کہا ہے کہ ہائی کورٹ بلوچستان کے حکم کے مطابق ڈیری فارموں کو جلد از جلد شہر سے باہر منتقل کیا جائے گاصفائی، سیوریج اور ماحولیاتی نظام میں بہتری لائی جا سکے ان خیالات کا اظہار انہوں نے ڈیری فارموں کو شہر سے باہر منتقل کرنے کے حوالے سے اجلاس میں کیااجلاس میں ڈپٹی کمشنر کوئٹہ مہر اللہ بادینی ڈائریکٹر ٹاؤن پلاننگ کیو ڈی اے محمد سلیم کاکڑ،ڈائریکٹر آپریشن بی ایف اے محمد ریاض ،ڈپٹی ڈائریکٹر بی ایف اے سعید بازئی،اسسٹنٹ کمشنر پولیٹیکل کوئٹہ ڈویژن سید کلیم اللہ ،اسسٹنٹ رجسٹرار لائیو اسٹاک شعیب جہانزیب ،صدر ڈیری فارم ایسوسی ایشن الطاف حسین گجر،نائب صدر محمد اسلم سمیت متعلقہ اداروں کے نمائندوں نے شرکت کی اجلاس کو بتایا گیا کہ ہائی کورٹ بلوچستان کے حکم کے مطابق تمام ڈیری فارموں کو جلد از جلد شہر سے باہر منتقل کیا جائے گا تاکہ صفائی، سیوریج اور ماحولیاتی نظام میں بہتری لائی جا سکے اس موقع پر کیو ڈی اے کو ہدایت کی گئی کہ ڈیری فارموں کے لیے زمین کی فراہمی، پانی کی دستیابی اور دیگر ضروری سہولیات کے حوالے سے جامع پلان مرتب کیاجائے اجلاس میں کہاگیا کہ ملاوٹ شدہ دودھ فروخت کرنے والوں کے خلاف سخت کارروائی عمل میں لائی جائےگیاس سلسلے میں دودھ اور دہی کی قیمتوں کا تعین کرتے ہوئے دکانداروں کو پابند کیا جائے گا کہ وہ بھینس، گائے اور پاؤڈر دودھ کی قیمتیں الگ الگ ظاہر کریںاس حوالے سے فیصلہ کیا گیا کہ ضلعی انتظامیہ اور لائیو اسٹاک ڈپارٹمنٹ مختلف اقسام کے دودھ کی قیمتیں مقرر کریں گے جبکہ جانچ پڑتال اور نگرانی کے لیے ضلعی انتظامیہ اور بلوچستان فوڈ اتھارٹی مشترکہ کارروائیاں کریں گی۔
کوئٹہ سے مزید