فرمان الہی
نماز کے اوقات
سندھ میں کانگو وائرس سے رواں سال اموات کی تعداد 6 ہو گئی ہے۔
محکمۂ صحت سندھ کے مطابق کراچی میں کانگو وائرس سے 5 اور ٹھٹہ کے 1 شہری کا انتقال ہوا ہے۔
محکمۂ صحت سندھ نے بتایا ہے کہ رواں سال کانگو وائرس سے پانچوں اموات کراچی کے ضلع ملیر سے رپورٹ ہوئیں۔
محکمۂ صحت سندھ کا کہنا ہے کہ جون میں کانگو وائرس کے باعث 2 موات ملیر سے، جبکہ 1 ٹھٹہ سے رپورٹ ہوئی۔
محکمۂ صحت سندھ کے مطابق کراچی میں جولائی، اگست اور ستمبر کے مہینے میں کانگو وائرس کے 1، 1 مریض کا انتقال ہوا ہے۔
واضح رہے کہ کراچی کے جناح اسپتال میں آج زیرِ علاج کانگو کا مریض انتقال کر گیا۔
جے پی ایم سی اسپتال کے حکام کے مطابق 28 سال کے مریض کو تیز بخار اور پیٹ میں تکلیف کی شکایت پر داخل کیا گیا تھا۔
اسپتال کی انتظامیہ کے مطابق مریض کو 2 روز قبل جناح اسپتال لایا گیا تھا۔
