فرمان الہی
نماز کے اوقات
تیلگو سنیما (ٹولی ووڈ) کے اداکار سری کانت اینگر کے مہاتما گاندھی سے متعلق توہین آمیز تبصرہ کرنے پر بھارتی آگ بگولہ ہوگئے۔
ویڈیو سوشل میڈیا پر وائرل ہونے کے بعد اداکار سری کانت اینگر تنازع میں گھر گئے ہیں، ویڈیو میں ان کا کہنا تھا کہ "گاندھی کو باپو کہنا پوری قوم کی توہین ہے۔"
بھارتی اداکار کی جانب سے گاندھی سے متعلق نازیبا الفاظ بھی کہے گئے، جس کے بعد بھارت میں عوامی سطح پر شدید ردعمل سامنے آیا۔
سیاست دانوں، سماجی تنظیموں اور گاندھی کے پیروکاروں نے اداکار کے بیانات کو "انتہائی غیر شائستہ اور قابلِ مذمت" قرار دیتے ہوئے حکومت سے مطالبہ کیا کہ وہ اس معاملے پر فوری کارروائی کرے۔
بھارتی میڈیا کے مطابق ویڈیو سامنے آنے کے بعد اب تک نہ تو سری کانت اینگر اور نہ ہی اُن کے نمائندوں نے کوئی باضابطہ وضاحت یا معافی جاری کی ہے، جبکہ حکام کی جانب سے کسی قانونی کارروائی کی تصدیق تاحال نہیں کی گئی۔
