فرمان الہی
نماز کے اوقات
مشہور لاطینی پاپ گلوکار فیڈی ڈورکاز کو میکسیکو میں ڈکیتی کے دوران گولی مار کر قتل کر دیا گیا۔
29 سالہ ارجنٹائنی نژاد گلوکار کو مبینہ طور پر ڈکیتی مزاحمت پر موت کے گھاٹ اتار دیا گیا، برطانوی اخبار دی مِرر کے مطابق فیڈی ڈورکاز کو اُس وقت نشانہ بنایا گیا جب وہ مشہور ڈانس شو کی ریہرسل کے بعد واپس جا رہے تھے، حملہ آوروں نے اُن کی گردن میں گولی ماری جس سے وہ موقع پر ہی ہلاک ہوگئے۔
میکسیکو سٹی سیکریٹریٹ آف پبلک سیفٹی کے ترجمان نے بتایا کہ ابتدائی تحقیقات کے مطابق حملہ آور دو موٹر سائیکلوں پر سوار چار افراد تھے، جن کی تلاش جاری ہے۔
ترجمان کے مطابق علاقے کی سی سی ٹی وی فوٹیجز کا جائزہ لیا جا رہا ہے تاکہ ملوث افراد کی شناخت کی جا سکے۔
فیڈی ڈورکاز نے اپنے معروف گانوں کارا بونیتا (Cara Bonita) اور موکا (Moka) کے ذریعے شہرت حاصل کی تھی۔
