• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہیدانسپکٹر SHOفیکٹری ایریا کی نمازِ جنازہ پولیس لائنزشیخوپورہ میں ادا

میرا شہر
لاہور
14 اکتوبر ، 2025
لاہور(کرائم رپورٹر) شیخوپورہ میں فرض کی ادائیگی کے دوران جامِ شہادت نوش کرنے والے انسپکٹر ایس ایچ او تھانہ فیکٹری ایریا شہزاد نواز کی نمازِ جنازہ پولیس لائنز شیخوپورہ میں ادا کر دی گئی۔نمازِ جنازہ میں آئی جی پنجاب ڈاکٹر عثمان انور، آر پی او شیخوپورہ اطہر اسماعیل امجد، ڈی پی او بلال ظفر شیخ، ڈپٹی کمشنر شاہد عمران مارتھ سمیت اراکین صوبائی و قومی اسمبلی، وکلا برادری، سیاسی و سماجی شخصیات اور شہریوں کی بڑی تعداد نے شرکت کی۔ پولیس کے چاق و چوبند دستے نے شہید انسپکٹر شہزاد نواز کے جسدِ خاکی کو سلامی پیش کی۔آئی جی پنجاب ڈاکٹر عثمان انور نے شہید کے جسدِ خاکی پر پھول چڑھائے اور روح کے ایصالِ ثواب کے لیے فاتحہ خوانی کی۔ بعد ازاں آئی جی پنجاب نے شہید انسپکٹر شہزاد نواز کے والد اور بھائی سے ملاقات کی اور ان کی عظیم قربانی کو خراجِ عقیدت پیش کیا۔شہید انسپکٹر شہزاد نواز کو ان کے آبائی گاؤں اوگند میں سینکڑوں سوگواروں کی موجودگی میں سرکاری اعزاز کے ساتھ سپردِ خاک کر دیا گیا۔
لاہور سے مزید