واشنگٹن (نیوزڈیسک )امریکی میڈیاکا پینٹاگون کی قومی سلامتی سے متعلق پابندیاں ماننے سے انکار،نئے ضوابط پر تشویش کا اظہار کرتے ہوئے اداروں نے پالیسی کو صحافت کے بنیادی تحفظات کیلئے خطرہ قرار دے دیا۔امریکا کے 5بڑے خبر رساں اداروں نے پینٹاگون کی جانب سے جاری کردہ نئے ضوابط پر سخت تشویش کا اظہار کرتے ہوئے انہیں مسترد کر دیا ہے۔اے بی سی، سی بی ایس، سی این این، این بی سی اور فاکس نیوز نے ایک مشترکہ بیان جاری کیا ہے جو سی این این کمیونیکیشن کے سوشل میڈیا اکاؤ نٹ پر شیئر کیا گیا۔ان اداروں کا کہنا ہے کہ یہ نئے تقاضے صحافیوں کی ملک اور دنیا کو اہم قومی سلامتی کے مسائل کے بارے میں باخبر رکھنے کی صلاحیت کو محدود کر دیں گے۔