کراچی(اسٹاف رپورٹر) نجی ایئرلائن ایئر سیال نے بھی برطانیہ کے لیے فلائٹ آپریشن شروع کرنے کا فیصلہ کرتے ہوئے اجازت مانگ لی۔ ذرائع کے ایئرسیال نے برطانیہ کے 3اہم شہروں مانچسٹر، برمنگھم اور لندن کے لیے پروازیں چلانے کی اجازت حاصل کرنے کے لیے رجوع کیا ہے۔ یہ پیش رفت برطانیہ کی جانب سے پاکستانی ایئرلائنز پر عائد 5 سالہ پابندی کے خاتمے کے بعد سامنے آئی ہے، جس کے نتیجے میں ایک بار پھر مقامی ایئرلائنز کو یورپی فضاووں میں آپریٹ کرنے کا موقع ملا ہے۔