فرمان الہی
نماز کے اوقات
امریکی ریاست مشی گن کے قریب ایک ایسا جزیرہ موجود ہے جہاں کاروں پر پابندی ہے ہر شخص کے پاس سواری کے لیے ایک گھوڑا موجود ہے۔
غیرملکی میڈیا کے مطابق امریکی ریاست مشی گن کے شہر ڈیٹرائٹ دنیا میں کاروں کی پیداوار کے حوالے سے نمایاں مقام رکھتا ہے، اس شہر میں فورڈ، جنرل موٹررز اور کرسلر جیسی شاندار کاروں کی کمپنیاں موجود ہے، اسی حوالے سے اس شہر کو عالمی سطح پر کارسازی کا دارالحکومت کہا جاتا ہے، تاہم اسی ریاست مشی گن کی حدود میں ایک ایسا جزیرہ بھی موجود ہے جہاں کسی شخص کے پاس کوئی کار نہیں ہے۔
ریاست مشی گن کا ماکینک جزیرہ جہاں ہائی وے پر بھی گاڑیاں چلانے کی اجازت نہیں ہے، ایسا کیوں ہے اور اس کے پیچھے کیا وجہ موجود ہے اس حوالے سے جزیرے پر ایک گاڑی کے شور مچانے کے حوالے سے ایک قصہ بیان کیا جاتا ہے جب 1898ء میں یہاں ایک گاڑی گزری تھی جس سے یہاں موجود گھوڑے گھبراگئے تھے، اس واقعے کے بعد مقامی طورگاڑیوں پر پابندی عائد کردی گئی، تب سے آج تک مقامی افراد سکون کی زندگی گزار رہے ہیں۔
گزشتہ ایک صدی سے یہاں کا سارا انتظام 600 گھوڑوں نے سنبھالا ہوا ہے، یہ گھوڑے ہی اس جزیرے کی سڑکوں کے اصل بادشاہ ہیں، مشی گن کے شمالی جزیرہ نما علاقے سے لوگ یہاں 20 منٹ کی فیری مسافت کے بعد پہنچتے ہیں، یہاں انکے آنے کا مقصد یہاں کے مشہور فج حاصل کرنا ہوتا ہے۔
ماکینک کے جزیرے پر کچرہ اٹھانے والے سے لیکر کوریئر کا کام سب کچھ انہیں گھوڑوں کے ذریعے کیا جاتا ہے۔ گھوڑے کی ٹاپیں ہی یہاں سڑکوں پر نمایں محسوس ہوتی ہے جس کی وجہ سے باہر سے آنے والے سیاح اس علاقے میں آکر سکون بھی محسوس کرتے ہیں۔
