• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

‎سیلاب زدہ بونیر سے موبائل لیب کی واپسی، 10 ہزار سے زائد ٹیسٹ کئے

میرا شہر
پشاور
25 اکتوبر ، 2025
پشاور (خصوصی نامہ نگار) سیکرٹری صحت خیبر پختونخوا شاہد اللہ خان نے کہا ہے کہ بونیر کے سیلاب متاثرہ علاقوں میں موبائل لیبارٹری کی تعیناتی ایک بروقت اور مؤثر اقدام ثابت ہوا جس نے مقامی صحت مراکز کو تشخیص اور علاج میں بھرپور سہولت فراہم کی۔‎انہوں نے کہا کہ موبائل لیب نے 62 دنوں تک بونیر میں خدمات انجام دیں10 ہزار 100عوامی صحت کے لیبارٹری ٹیسٹ مکمل کئےجن میں سی بی سی، ملیریا، ڈینگی، خون و فضلے کے کلچرز، ہیپاٹائٹس اور دیگر آفات کے بعد عام وائرل انفیکشن کے ٹیسٹ شامل تھے۔‎سیکرٹری صحت کے مطابق موبائل لیب نے ضلعی ہسپتالوں، ڈسٹرکٹ ہیلتھ آفس اور موبائل کلینکس کے ساتھ مل کر متاثرہ افراد کو بروقت اور درست تشخیص کی سہولت فراہم کی، جس سے بیماریوں کی روک تھام اور علاج میں نمایاں بہتری آئی۔‎انہوں نے کہا کہ محکمہ صحت آئندہ بھی ایسے اقدامات جاری رکھے گا تاکہ قدرتی آفات کے بعد عوام کو فوری طبی سہولیات میسر آ سکیں۔
پشاور سے مزید