• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ظلم عارضی ہوتا ہے مگر آزادی کی جدوجہد ابدی، شرجیل میمن

آج کا اخبار
اہم خبریں
28 اکتوبر ، 2025
کراچی (آئی این پی )سندھ کے سینئر وزیر شرجیل انعام میمن نے کہا ہے کہ 27 اکتوبر تاریخ کا وہ سیاہ دن ہے جب بھارتی افواج نے کشمیری عوام کی مرضی کے برخلاف وادی پر قبضہ کیا۔27 اکتوبر کا دن ہمیں یاد دلاتا ہے کہ ظلم عارضی ہوتا ہے مگر آزادی کی جدوجہد ابدی۔ایک دن اقوامِ متحدہ کی قراردادوں کے مطابق کشمیری عوام کو ان کا حق ضرور ملے گا۔ یوم سیاہ کشمیر پر اپنے پیغام میں شرجیل انعام میمن کا کہنا تھا کہ کشمیری عوام نے کئی دہائیوں میں بے مثال قربانیاں دے کر یہ ثابت کیا کہ وہ اپنے حقِ خودارادیت سے کبھی دستبردار نہیں ہوں گے۔انہوں نے کہا کہ کشمیری عوام کا حوصلہ، صبر اور استقامت دنیا بھر کے مظلوموںکیلئے مثال ہے۔ پاکستان کے عوام آج کے دن اپنے کشمیری بھائیوں اور بہنوں کے ساتھ یکجہتی کا اظہار کرتے ہیں۔ ہم ہر عالمی فورم پر کشمیر کے حق میں آواز بلند کرتے رہیں گے۔
اہم خبریں سے مزید