• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایم ڈی کیٹ کے پوزیشن ہولڈرز ڈاؤ یونیورسٹی میں داخلے کے خواہشمند

آج کا اخبار
اہم خبریں
03 نومبر ، 2025
کراچی( سید محمد عسکری) آئی بی اے سکھر کے تحت ایم ڈی کیٹ 2024 کے امتحانات تمام ٹاپ پوزیشن ہولڈرز نے ڈاؤ یونیورسٹی آف ہیلتھ سائنسز سے ایم بی بی ایس کرنے کا ارادہ ظاہر کیا ہے اور کہا ہے کہ بہتر ہوتا کہ ٹیسٹ میں تاخیر نہ کی جاتی اور انٹرمیڈیٹ/ اے لیول کے امتحانات کے بعد ہی ٹیسٹ لے لیا جاتا، حقیقی میرٹ برقرار رکھنے کے لیے میڈیکل کالجوں میں داخلوں کا سلسلہ ٹیسٹ کی بنیاد پر جاری رہنا چائیے کیونکہ اوپن اوپن میرٹ میں سفارش کے امکانات ہوتے ہیں، پوزیشن ہولڈر طلبہ کی اکثریت نے ایم ڈی کیٹ میں نمایاں نمبرز کوچنگ کے بغیر حاصل کئیے۔ ایم ڈی کیٹ ٹیسٹ 180 میں سے 175 نمبر حاصل کرنے والے محمود خان ولد عدالت خان کا آبائی تعلق ضلع سوات سے ہے اور ضلع غربی میں رہائش پزیر ہیں انھوں نے پہلے ڈی جی سائنس کالج میں داخلہ لیا اور پھر پرائیویٹ امیدوار کے طور 87.4 فیصد کے ساتھ انٹر کیا۔ محمود خان کا کہنا تھا کہ انھوں نے ٹیسٹ کی آن لائن تیاری کی اور کسی کوچنگ سینٹر نہیں گئے وہ سارا دن پڑھتے تھے ان کے ایک بھائی ڈاکٹر بن چکے ہیں جب کہ دوسرے بھائی کے ایم ڈی سی میں زیر تعلیم ہیں تاہم انھوں نے ڈاؤ یونیورسٹی سے ایم بی بی ایس کرنے کا ارادہ ظاہر کیا۔ کراچی کورنگی کے فیصل اشرف خان ولد نوید اشرف خان 174 نمبر لے کر دوسرے نمبر پر رہے ان کا کہنا تھا کہ انھوں نے بینک ہاؤس گلشن کیمپس سے اے لیول کیا اور ریاضیات سمیت چاروں پرچوں میں اے اسٹار لیا جب کہ او لیول میں بھی ان کے 8 اے اسٹار تھے۔ انھوں نے بتایا کہ میرا این ای ڈی کے شعبہ مکینکل میں داخلہ ہوا تھا اور میں وہاں جا بھی رہا تھا تاہم اب میں ڈاؤ یونیورسٹی سے ایم بی بی ایس کروں گا۔
اہم خبریں سے مزید