• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیکورٹی خدشات، اسرائیلی فوج کے زیر استعمال چینی ساختہ گاڑیوں کی واپسی

آج کا اخبار
اہم خبریں
03 نومبر ، 2025
تل ابیب(نیوز ڈیسک) سیکورٹی خدشات، اسرائیل نے افسران کے زیر استعمال چینی ساختہ گاڑیاں واپس لے لیں،بعض چینی گاڑیوں کے آن بورڈ سسٹمز بیرونی سرورز کو ڈیٹا بھیج سکتے ہیں،آئی ڈی ایف ،اسرائیلی فوج (آئی ڈی ایف) نے اپنے افسران کے زیر استعمال چینی ساختہ گاڑیاں واپس لینے کا عمل شروع کر دیا ہے۔اسرائیلی میڈیا کے مطابق یہ اقدام چیف آف اسٹاف کے براہ راست حکم پر کیا جا رہا ہے اور اس کی بنیاد یہ خدشہ ہے کہ چینی گاڑیاں حساس معلومات کے لیک ہونے یا جاسوسی کے لیے استعمال جاسکتی ہیں۔اسرائیلی میڈیا کا کہنا ہے کہ اسرائیل کی سکیورٹی ایجنسیوں نے اپنی جائزہ رپورٹ میں کہا تھا کہ کچھ چینی گاڑیوں کے آن بورڈ سسٹمز کے ذریعے حساس ڈیٹا بیرونی سرورز کو منتقل ہو سکتا ہے۔اس سے قبل بھی اسرائیلی فوج کی چھاؤنیوں میں چینی ساختہ گاڑیوں کے داخلے پر پابندی عائد تھی۔ اسرائیلی میڈیا کے مطابق پہلے مرحلے میں یہ گاڑیاں ان افسران سے واپس لی جا رہی ہیں جو حساس سکیورٹی عہدوں پر فائز ہیں یا جنہیں خفیہ معلومات تک رسائی حاصل ہے جبکہ 2026 کی پہلی سہ ماہی کے اختتام تک تمام افسران سے چینی ساختہ گاڑیاں واپس لے لی جائیں گی۔
اہم خبریں سے مزید