• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوبائی وزیر ایکسائز ٹیکسیشن اور نارکوٹکس کنٹرول کا دورہ ڈگر ہسپتال

میرا شہر
پشاور
09 نومبر ، 2025
پشاور(جنگ نیوز)خیبرپختونخوا کے وزیرِ ایکسائز، ٹیکسیشن و نارکوٹکس کنٹرول سید فخر جہان نے ہفتے کے روز بونیر میں ڈگر ہسپتال کا دورہ کیا جہاں انہوں نے ہسپتال کے مختلف وارڈز کا معائنہ کیا،مریضوں سے ملاقات کی اور ان کے علاج و معالجے کی صورتحال کے بارے میں دریافت کیا۔صوبائی وزیر نے ہسپتال کے نئے زیر تعمیر حصے کا بھی جائزہ لیا اور ترقیاتی منصوبے کا تفصیلی معائنہ کیا۔ سید فخرجہان نے دورے کے دوران ہسپتال ذمہ داروں کو ہدایات جاری کرتے ہوئے کہا کہ عوام کو معیاری صحت سہولیات کی فراہمی صوبائی حکومت کی اولین ترجیح ہے۔ انہوں نے کہا کہ حکومتِ خیبرپختونخوا عوامی فلاح و بہبود کے لیے ہر ممکن اقدامات کر رہی ہے اور صحت کے شعبے میں بہتری کے لیے اصلاحات کیساتھ عملی اقدامات بھی اٹھائے جارہے ہیں۔سید فخر جہان نے کہا کہ حکومت کا خاص فوکس عوام کو ان کی دہلیز پر صحت کی بنیادی سہولیات پہنچانا ہے تاکہ کسی کو علاج کے لیے دربدر نہ ہونا پڑے۔انہوں نے واضح کیا کہ ہسپتالوں میں خدمات کی فراہمی میں کسی قسم کی کوتاہی برداشت نہیں کی جائے گی اس لیے تمام متعلقہ ادارے عوامی خدمت کے جذبے کے ساتھ اپنی ذمہ داریاں انجام دیں۔
پشاور سے مزید