فرمان الہی
نماز کے اوقات
پشاور (جنگ نیوز) چیف ٹریفک آفیسر ڈاکٹر زاہد اللّٰہ نے ٹریفک مینجمنٹ کا جائزہ لینے کیلئے علی الصبح شہر بھر کا دورہ کیا۔ دورے کے دوران چیف ٹریفک آفیسر ڈاکٹر زاہد اللّٰہ نے اسکول جانیوالی گاڑیوں اور ٹریفک کی روانی کا جائزہ لیا اور ٹریفک حکام کو ضروری ہدایات جاری کر دی۔ چیف ٹریفک آفیسر نے حکام کو ہدایت کی کہ وہ نو پارکنگ زون کی خلاف ورزی کرنیوالوں کیخلاف کارروائیاں عمل میں لائیں اور پلازوں میں پارکنگ کو ہر صورت میں یقینی بنائیں تاکہ شہری سڑک کے کنارے گاڑیاں کھڑی نہ کرے جبکہ مرتکب افراد کیخلاف قانونی کارروائی عمل میں لائی جائے۔ چیف ٹریفک آفیسر ڈاکٹر زاہد اللّٰہ نے کہا ہے کہ بلا تعطل ٹریفک کی روانی بہتر بنانے کے لئے تمام تر صلاحیتیں بروئے کار لائی جائیں۔ انہوں نے مزید کہا کہ شہر بھر میں سٹی ٹریفک پولیس پشاور کی جانب سے تجاوزات کیخلاف کارروائیاں جاری ہیں تاکہ شہر میں ٹریفک کی روانی یقینی ہو اور شہریوں کو کسی قسم کے مشکلات درپیش نہ ہوں۔
