فرمان الہی
نماز کے اوقات
پاکستانی گلوکارہ آئمہ بیگ نے اچانک اپنا انسٹاگرام اکاؤنٹ غیر فعال کر دیا، جس سے مداح حیران اور پریشان ہو گئے اور سوشل میڈیا پر اس کے شوہر زین احمد کے ساتھ تعلقات پر افواہیں زور پکڑ گئیں۔
آئمہ بیگ اپنی زندگی اور کیریئر کے لمحات اکثر انسٹاگرام پر شیئر کرتی رہی ہیں، اچانک انسٹاگرام سے غائب ہو گئیں، جس سے مداحوں میں تشویش پیدا ہو گئی۔
یہ قدم ایسے وقت اٹھایا گیا جب چند ہفتے قبل زین احمد کی سوشل میڈیا سرگرمیوں نے جوڑے کے بیچ علیحدگی کی افواہیں پیدا کر دی تھیں، مداحوں نے محسوس کیا کہ زین نے آئمہ کو ان فالو کر دیا اور شادی کی تصاویر ڈیلیٹ کر دی ہیں، جس کے اسکرین شاٹس سوشل میڈیا پر تیزی سے وائرل ہوئے۔
آن لائن ہلچل کے بعد معروف فیشن ڈیزائنر زین احمد نے وضاحت کی کہ ان کا انسٹاگرام بگ کر رہا تھا اور کچھ پوسٹس غیر ارادی طور پر آرکائیو ہو گئی تھیں، تاہم اس وضاحت نے افواہوں کو کم نہیں کیا اور مداح جوڑے کے آن لائن رویے پر بحث کرتے رہے۔
آئمہ بیگ نے اس دوران انسٹاگرام پر ایک پُراسرار اسٹوری شیئر کی جس میں لکھا کہ آپ سب درست ہیں، لیکن مجھے دوسروں کی بات سننی چاہیے تھی۔
آئمہ بیگ اور زین احمد نے 5 اگست 2025 کو کینیڈا میں شادی کی تھی اور حالیہ افواہوں کے باوجود گزشتہ ماہ آئمہ نے زین کے ساتھ تصاویر شیئر کی تھیں تاہم، آئمہ کے اکاؤنٹ کے دوبارہ غیر فعال ہونے سے مداحوں میں نئی تشویش پیدا ہو گئی ہے۔
