فرمان الہی
نماز کے اوقات
اپنے ڈاکٹر کے کلینک جانے کے لیے گھر سے نکلنے والا فرانسیسی شہری ایک غلط موڑ لینے کے باعث ڈاکٹر کے پاس پہنچنے کے بجائے ایک ہزار میل دور ایک دوسرے ملک جا پہنچا، دلچسپ امر یہ ہے کہ اس ملک کی سرحدیں فرانس سے ملتی بھی نہیں ہیں۔
یہ واقعہ گزشتہ ہفتے اس وقت پیش آیا جب ایک 85 سالہ معمر شخص جس کی یادداشت یا سمت پہچاننے کی صلاحیت میں کوئی کمی نہیں، اپنے جی پی ایس کی ہدایات سے اس قدر الجھ گیا کہ وہ قریب کلینک کے بجائے 1,500 کلومیٹر دور ایک اور ملک پہنچ گیا۔
یہ شخص مغربی فرانس کے علاقے چٹیلونسورتوہے نامی گاؤں میں رہائش پذیر ہے اور اسے گھر سے تقریباً 12 میل کے فاصلے پر کلینک جانا تھا۔ جب یہ شخص کافی وقت گزرنے کے باوجود گھر نہ آیا تو اس کے خاندان کو فکر اور خدشات لاحق ہوئے اور پولیس کو اس کی گمشدگی کے بارے میں اطلاع دی گئی اور کہا گیا کہ آرمی سے اس کے موبائل فون کی جیو لوکیشن معلوم کرنے میں مدد کی درخواست کریں۔
فرانس کی فوج نے اس گمشدہ شخص کا فون یورپی ملک کروشیا کے ایک ہوٹل میں ٹریک کیا، جو اس کے گھر سے 1,500 کلومیٹر (932 میل) دور تھا۔ بظاہر وہ 20 گھنٹے گاڑی چلا کر اٹلی سے گزرتے ہوئے اس جنوبی یورپی ملک تک پہنچا تھا۔
جب اس معمر شخص سے پوچھا گیا کہ وہ وہاں کیسے پہنچ گیا، تو اس نے کہا کہ میں نہیں سمجھ پارہا ایسا کیسے ہوگیا، اسکا مزید کہنا تھا کہ غالباً اس کی وجہ جی پی ایس کی خرابی ہے۔
