فرمان الہی
نماز کے اوقات
امریکی اخبار نیویارک ٹائمز نے دعویٰ کیا ہے کہ امریکی سفارتکاروں کو یورپ، کینیڈا، آسٹریلیا اور نیوزی لینڈ کی حکومتوں پر غیرملکیوں کو دی جانے والی امیگریشن محدود کرنے کے لیے دباؤ ڈالنے کی ہدایت کی گئی ہے۔
رپورٹ کے مطابق اس سلسلے میں امریکی وزیر خارجہ کی جانب سے امریکی سفارت خانوں اور قونصل خانوں کو دستاویز بھیجی گئی ہیں۔
امریکی سفارتخانوں کو برطانیہ، سویڈن اور جرمنی میں مقدمات کا حوالہ دیتے ہوئے مبینہ انسانی حقوق اور بڑے پیمانے پر نقل مکانی کے اثرات کی جانچ پڑتال کرنے کی ہدایت کی گئی ہے۔
سفارتخانوں کو بھیجے گئے دستاویزات میں امیگریشن کو مغربی تہذیب کے لیے ایک وجودی خطرہ قرار دیا گیا ہے۔
قبل ازیں امریکی وزیر خارجہ مارکو روبیو نے اپنے بیان میں کہا تھا کہ امریکی سفارتکار حکومتوں پر زور دیں گے کہ وہ جرات مندانہ کارروائی کرتے ہوئے بڑے پیمانے پر نقل مکانی سے لاحق خطرات کے خلاف شہریوں کا دفاع کریں۔
