• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت شعبہ صحت کے چیلنجز پر قابو پانے کیلئے پر عزم : سلمان رفیق

میرا شہر
لاہور
30 نومبر ، 2025
لاہور (جنرل رپورٹر) صوبائی وزیر صحت خواجہ سلمان رفیق نے کہا ہے کہ حکومت پنجاب شعبہ صحت کے چیلنجز پر قابو پانے کیلئے پر عزم ہے،قبل ازیں انہوں نے علماء کے وفد سے ملاقات میں کہا کہ آج اس امر کی ضرورت ہے کہ اتحاد بین المسلمین کو فروغ دیا جائے۔انہوں نے گزشتہ روز مقامی ہوٹل میں انسٹی ٹیوٹ آف پبلک ہیلتھ کی جانب سے منعقدہ آگاہی کانفرنس میں بطور مہمان خصوصی شرکت کی۔صوبائی وزیر صحت نے کانفرنس کے شرکاء سے خطاب کرتے ہوئے کہاکہ ہمارے معاشرے کو ویکٹر بورن ڈیزیز، ماحولیاتی مسائل، نان کمیونیکیبل بیماریوں میں اضافہ اور میڑرنل چائلڈ ہیلتھ جیسے چیلنجز کا سامنا ہے-حکومت پنجاب ان چیلنجز پر قابو پانے کیلئے پر عزم ہے- وزیر اعلیٰ پنجاب مریم نواز شریف شعبہ صحت کی بہتری کیلئے اپنی تمام تر توجہ مرکوز کی ہوئی ہیں ۔قبل ازیں وزیر اعلیٰ پنجاب کی ہدایت پر محکمہ داخلہ میں علماء کرام سے ملاقاتوں کا سلسلہ جاری ہے۔ صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق کی محکمہ داخلہ میں جامعہ اشرفیہ لاہور کے وفد سے ملاقات ہوئی ہے۔ علماء کرام کے وفد میں صدر جمیعت اہلحدیث ہشام الٰہی ظہیر، فاؤنڈیشن پاکستان پیس پیر علامہ زبیر عابد، حافظ حسین احمد، انٹرنیشنل ختم نبوت موومنٹ قاری محمد رفیق، مولانا مجیب الرحمٰن انقلابی، مولانا اسد اللہ فاروقی، عالمی مجلس تحفظ ختم نبوت سے عزیز الرحمن، حافظ نعمان حامد جالندھری، جمیعت علماء اسلام سے حافظ عبدالودود، رانا عبدالمنان، حافظ عتیق، حافظ بابر فاروق، مولانا شکیل الرحمٰن، مرکزی جمیعت اہلحدیث سے محمد الطاف موجود تھے۔ ملاقات کے دوران امن و امان کی صورتحال اور اتحاد بین المسلمین پر تبادلہ خیال کیا گیا ہے۔
لاہور سے مزید