• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یونیسیف اور واسا کے اشتراک سے واٹسن سروسز کی بہتری کیلئے تربیتی ورکشاپ

میرا شہر
لاہور
30 نومبر ، 2025
لاہور (خصوصی رپورٹر) پنجاب میونسپل ڈویلپمنٹ فنڈ کمپنی (PMDFC)، پاکستان واٹر آپریٹرز نیٹ ورک (PWON)، یونیسیف اور واسا لاہور کے باہمی اشتراک سے واٹسن سروسز کی بہتری کے لیے منعقد ہونے والے تربیتی پروگرام کا دوسرا سیشن لاہور میں منعقد ہوا، جس میں 11 میونسپل کمیٹیوں کے افسران بشمول میونسپل اور چیف آفیسرزنے شرکت کی،شرکاء کا کہنا تھا کہ واسا لاہور کا جدید نظام ایم سیز کے لیے ایک مؤثر ماڈل ہے جس سے بہت کچھ سیکھا جا سکتا ہے ۔ اس سیشن کے انعقاد کے ساتھ ہی پنجاب انکلوسیو سٹیز پروگرام اور پنجاب سٹیز پروگرام کی 20 میونسپل کمیٹیوں کی تربیت کا مرحلہ کامیابی سے مکمل ہو گیا۔تربیت میں احمد پور ایسٹ، چکوال، خانپور، جامپور، راجن پور، جتوئی، پاکپتن، صادق آباد، گوجرہ، وزیرآباد اور کمالیہ کے نمائندگان شامل تھے جبکہ نو میونسپل کمیٹیوں کی تربیت پہلے سیشن میں مکمل کی جا چکی تھی۔ پروگرام کے مہمانِ خصوصی صوبائی وزیر ہاؤسنگ اینڈ اربن ڈویلپمنٹ پنجاب بلال یاسین تھے، جنہوں نے شرکا میں سرٹیفیکیٹ تقسیم کیے اورلوکل گورنمنٹ افسران کی استعداد میں اضافے کے اس اہم اقدام کو سراہا۔
لاہور سے مزید