• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صنعتکار معیشت کے فروغ میں کلیدی حیثیت رکھتے ہیں، چوہدری شافع

میرا شہر
لاہور
30 نومبر ، 2025
لاہور(خبرنگار) صوبائی وزیر صنعت و تجارت چوہدری شافع حسین نے ایوان صنعت و تجارت راولپنڈی کا دورہ کیا جہاں صنعتکاروں سے ملاقات کی جس میں انڈسٹری اور صنعتکاروں کے مسائل پر بات چیت ہوئی ۔ صدر ایوان صنعت و تجارت راولپنڈی عثمان شوکت اور گروپ لیڈر سہیل الطاف نے انڈسٹری کو درپیش مسائل سے آگاہ کیا ۔ صوبائی وزیر صنعت و تجارت چوہدری شافع حسین نے صنعتکاروں سے خطاب کرتے ہوئے کہا کہ صنعت کار معیشت کے فروغ میں کلیدی حیثیت رکھتے ہیں ان کے جائز مسائل ترجیحی بنیادوں پر حل کئے جارہے ہیں ۔ صوبائی وزیر نے صنعت کاروں کے مطالبے پر رنگ روڈ راولپنڈی کے نزدیک نئی انڈسٹریل اسٹیٹ بنانے کا اعلان کیا اور کہا کہ وزیر اعلیٰ پنجاب مریم نواز شریف کے ویژن کے مطابق صنعت کاری کے عمل کو تیز کیا گیا ہے ۔بہاولپور انڈسٹریل اسٹیٹ میں پہلی بار صنعتی یونٹس لگ رہے ہیں قائد اعظم بزنس پارک شیخوپورہ میں 10نئی فیکٹریوں کی تعمیر شروع ہوچکی ہے ۔وزیر اعلیٰ پنجاب کی ہدایت پر ٹیکسٹائل سیکٹر کے فروغ کیلئے قائد اعظم بزنس پارک شیخوپورہ میں گارمنٹ سٹی بنایا گیا ہے ۔
لاہور سے مزید