• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صفائی، خوبصورتی/گرینری پر انتظامیہ کا مکمل فوکس ہے، کمشنر مریم خان

میرا شہر
لاہور
30 نومبر ، 2025
لاہور(خصوصی رپورٹر)وزیراعلی پنجاب کی ہدایات کے مطابق صاف شہر-سرسبز لاہور مشن پر عملدرآمد و جائزہ کے لئے کمشنر لاہور مریم خان نے شالامار چوک تا داروغہ والا،کو اَپ ا سٹور روڈ ،مغلپورہ چوک کا دورہ کیا۔ کمشنر لاہور نے صفائی، گرین بیلٹس، ڈی سلٹنگ، پاٹ ہولز مرمت، کرب سٹون و زیبرا کراسنگ پینٹ کا جائزہ لیا۔ کمشنر لاہور مریم خان نے گفتگو کرتے ہوئے کہا ہے کہ وزیراعلی پنجاب کی ہدایات کے مطابق صفائی، خوبصورتی/ گرینری پر انتظامیہ کا مکمل فوکس ہے، انہوں نے کہا کہ صفائی کے بعد سڑکوں کو پانی سے دھویا جارہا ہے جو کہ سموگ آلودگی تدارک میں معاون ہے۔ کمشنر لاہور نے کہا کہ شہر سے گزرنے والے نالوں کے گرد45ہزار پودے لگا ئے جائیں گے جبکہ گرین کور کیلئے شہر سے گزرنے والے نالوں کے اطراف میں 20 ہزار پودے لگائے جا چکے ہیں، انہوں نے کہا کہ لاہور کے ہر ایریا پر یکساں فوکس ہے صاف شہر شہریوں کا حق ہے۔ کمشنر لاہور نے انتظامیہ کو ہدایت دیتے ہوئے کہا کہ شہر میں لائٹس، گرین بیلٹس مرمت و بحالی کو ٹائم لاینز اور ڈیڈلائن کے مطابق مکمل ہونا چاہئے۔
لاہور سے مزید