• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تعلیمی منصوبے ایجوکیشن سسٹم کو نئی سمت دینگے، مجتبیٰ شجاع

میرا شہر
لاہور
30 نومبر ، 2025
لاہور(خبرنگار)وزیر خزانہ پنجاب میاں مجتبیٰ شجاع الرحمان نے کہا ہے کہ صوبائی حکومت تعلیم کو ترقی کا بنیادی ستون سمجھتے ہوئے ایسے منصوبے شروع کر چکی ہے جو آنے والے برسوں میں پنجاب کے تعلیمی نظام کو نئی سمت دیں گے،پنجاب بھر میں 10 ہزار نئے اساتذہ بھرتی کیے جا رہے ہیں، جس سے سکولوں میں تدریسی عمل کو درپیش کمی دور ہوگی۔انہوں نے معروف تعلیمی مقابلے “برین آف لاہور” کی تقریب میں بطور مہمانِ خصوصی شرکت کی۔ اس موقع پر سکول انتظامیہ، اساتذہ، والدین اور طلبا کی بڑی تعداد موجود تھی جنہوں نے وزیر خزانہ کا پُرجوش خیرمقدم کیا۔ تقریب سے خطاب کرتے ہوئے میاں مجتبیٰ شجاع الرحمان نے برین آف لاہور کو شہر کی علمی روایت کو آگے بڑھانے والا اہم تعلیمی پلیٹ فارم قرار دیا۔ انہوں نے کہا کہ یہ مقابلہ نئی نسل میں تخلیقی سوچ، تجزیاتی صلاحیت، صحت مند مقابلے اور خود اعتمادی کو فروغ دینے کا بہترین ذریعہ ہے۔
لاہور سے مزید