فرمان الہی
نماز کے اوقات
قومی انڈر 19کرکٹ ٹیم اسلام آباد پہنچ گئی، اسلام آباد ایئرپورٹ پر انڈر 19 کرکٹ ٹیم کے شاندار استقبال کی تیاریاں کرلی گئیں۔
اسلام آباد ایئرپور ٹ کے باہر شائقین فاتح ٹیم کے منتظر ہیں، ڈھول کی تھاپ پر رقص جاری ہے۔
وزیراعظم شہباز شریف آج انڈر 19کرکٹ ٹیم کےکھلاڑیوں سے ملاقات کریں گے۔
ملاقات میں بھارتی ٹیم کو شکست دینے والے کھلاڑیوں کی بھرپور حوصلہ افزائی کی جائے گی۔
یاد رہے کہ پاکستان نے بھارت کو 191 رنز سے شکست دیکر ٹائٹل اپنے نام کرلیا، پاکستان انڈر 19 ایشیا کپ کا ٹائٹل دوسری مرتبہ جیتنے میں کامیاب ہوا ہے۔
اس سے قبل پاکستان اور بھارت 2012 کے ایونٹ میں مشترکہ طور پر فاتح رہے تھے۔
